monumenta.ch > Ambrosius > 54 > 73 > quam Damasus habito Romae concilio damnavit. > ubk4°Ms.theol.26.9 > uwbM.p.th.f.12.63 > bkeCod.32.66r > 24 > 35 > sectio 738 > bsbClm6436.9 > sectio 14 > 36 > ad Corinthios I, 7 > bnf11130.72 > sectio > sectio 462 > bkeCod.32.157r > 32.129r > bbb264.102 > bsbClm1003.7 > sectio 139 > sectio 27 > 10 > bbb264.160 > sectio 3

Wortauswahl für das Suchen

Melden Sie einen Fehler in dieser Sectio
Augustinus, Sermones, 31, 205, 3
Ubinam, Paule, currebas, quando videbas? Ecce nunc oberrans quaeris locum; et qui persequebaris Christum, caecus curris ad manum. O Saule rapax lupe, comedisti: sed exspecta paululum, et digerens digereris . Credis ergo, o Saule, in Deo, adhibes fidem perfido? Non solent istae manus in sanguine pollui, si non te adhuc ab eis videris cruciari. Parum erat generi tuo, quod crucifixerat Christum; insuper et manus mittere non formidavit in coelum. Impressit patibulo carnem, posuit ad ostium sepulcri custodes. Iam Christus ascendit ad Patrem; et adhuc genitrix tua non caruit feritate. O Iudaea Prophetarum sanguine temulenta, necdum satiata es? A sanguine Abel usque ad sanguinem Zachariae flumina tui sceleris spumant; et te adhuc usque non satiant? Ab origine mundi sanguinem bibis, et adhuc sitis? Necdum tui facinoris in Christo unda siccavit; et iam alveus tui sceleris sitit? Modo Christum patibulo confixisti; et tam cito cupiditate sanguinis aruisti? Sed ecce prosternitur crudelitas, ut erigatur sanctitas: cadit miles diaboli, ut surgat signifer Christi.